អ្នកនេសាទ៥៥នាក់ និងទូកកន្ទុយវែង១១ទូក ត្រូវបានសមត្ថកិច្ចថៃដោះលែង

កោះកុង៖ ក្រោម​ការយកចិត្តទុកដាក់ និង​សម្របសម្រួល​ពី​សំណាក់ ឯកឧត្តម ប៊ុន​លើ​ត អភិបាល​នៃ​គ​ណះ​អភិបាលខេត្ត​កោះកុង និង​មន្ត្រី​ស្ថាប័ន​ពាក់ព័ន្ធ​នានា ក្នុង​ខេត្តកោះកុង ទូក​នេសាទ​ចំនួន១១គ្រឿង​និង ប្រជា​នេសាទ​ចំនួន៥៥នាក់ ដែល​សមត្ថកិច្ច​ថៃ​បានធ្វើការ ឃាត់ខ្លួន​កាលពី​ព្រឹក ថ្ងៃទី២៥ ខែកញ្ញា ​ឆ្នាំ២០១៦ ដោយ​ចោទប្រកាន់ថា បាន​នេសាទ​ចូល​ដែនសមុទ្រ​ថៃ ត្រូវបាន​ដោះលែង ​អោយមាន​សេរីភាព​និង ត្រឡប់​មកកាន់​ប្រទេស​កម្ពុជា​វិញ ហើយ​នា​វេលា​ម៉ោង១១យប់ ថ្ងៃទី២៦ ខែកញ្ញា​ ឆ្នាំ២០១។ យោងតាម​ប្រភពពី ប្រជា​នេសាទ​ខាងលើ បាន​ថ្លែងអោយដឹងថា ក្នុងការ​ដោះលែង​ពួកគាត់ សមត្ថកិច្ច​ថៃ​មិនបាន ​យកលុយ​កាក់​អ្វី​នោះទេ ហើយក៏​មិនបាន​ធ្វើ បាប​រាងកាយ​អ្វី​នោះដែរ តែ​ពួកគាត់​បាន​ខាតបង់​នូវ​សម្ភា​រះ​មួយចំនួន ដូចជា​មង​នេសាទ​ត្រី​ប្រមាណ៩០ផែរ និង​សមត្ថកិច្ច​ថៃ​បាន​ដកហូត នូវ​ទូរ​ទឹកកកធំៗ ប្រមាណ​ជា៣០ទូរ​ផងដែរ ហើយ​ពួកគាត់​ក៏មាន​សំណូមពរ ចុងក្រោយ​ដោយ​អោយ ឯកឧត្តម​អភិបាល​នៃ គ​ណះ​អភិបាលខេត្ត​កោះកុង មេត្តាជួយ​សម្របសម្រួល​បន្ថែមទៀត ដើម្បី​សុំអោយ​ពួកគាត់​បាន​ចូល ទៅយក​មង​នេសាទ ដែល​ពួកគាត់​បានដាក់​នៅក្នុង​ទឹក ដែល​សមត្ថកិច្ច​ថៃ​ចោទថា ជា​ដែនទឹក​របស់​ថៃ។ ជា​ចុងក្រោយ ពួកគាត់​ក៏​សូម​អគុណ យ៉ាង​ជ្រាលជ្រៅ​ទៅដល់ ឯកឧត្តម ប៊ុន​លើ​ត អភិបាល​នៃ​គ​ណះ​អភិបាលខេត្ត​កោះកុង និង​មន្ត្រី​ស្ថាប័ន​ពាក់ព័ន្ធ​នានា ក្នុង​ខេត្តកោះកុង​ដែល​បាន យកចិត្តទុកដាក់​និង​បាន​សម្របសម្រួល ទៅលើ​បញ្ហា​របស់​ពួកគាត់៕

vlcsnap-error041 vlcsnap-error927 vlcsnap-error366 vlcsnap-error357សូមទស្សនាវីដេអូខាងក្រោម

ប្រភព៖CTV8HD