ភ្នំពេញ៖ តាមសេចក្តីរាយការណ៍ឱ្យដឹងថា នៅវេលាម៉ោង០៥ និង៥០នាទីព្រឹកថ្ងៃទី០៨ កុម្ភ:នេះ លោកម៉ា សេរី ដែលជាពិធីករព័ត៌មានកីឡាដ៏ល្បីមួយរូបនោះ ត្រូវបានទទួលមរណភាពហើយ នៅឯមន្ទីរពេទ្យរុស្ស៊ី ។
លោកស្ថិតក្នុងការតាមដាន និងសម្រាកនៅមន្ទីរពេទ្យមិត្តភាពខ្មែរសូវៀត ហៅមន្ទីរពេទ្យរុស្ស៊ី ច្រើនថ្ងៃមកហើយ ប៉ុន្តែទើបតែសម្រេចចិត្តបើកទម្លាយជាសាធារណៈតាមរយៈអ្នកចុះទៅសួរសុខទុក្ខ រន្ធត់ចិត្តនឹងសម្ដីរបស់លោកដែលប្រកាសសុំលាទៅមុន ដែលមិនខុសពីដឹងខ្លួនលោកនឹងមិនរស់ ។
បច្ចុប្បន្ន សពរបស់លោក ត្រូវបានតម្កល់នៅឯគេហដ្ឋានម្តុំអូបែកក្អម (ជិតកាកបាទក្រហម) ។ គួររំលឹកថា លោកម៉ា សេរី មានជំងឺមហារីកថ្លើម ហើយបានរីករាលដល់ក្រពះ និងផ្នែកផ្សេងទៀតមិនខុសគ្នានឹងភរិយារបស់លោក រិន សាវេត នោះទេ ទើបសភាពជំងឺរបស់លោកស្ថិតក្នុងដំណាក់កាលភ័យបារម្ភ ៕
