ភ្នំពេញៈ  កម្លាំងនគរបាលចម្រុះនៃអធិការខណ្ឌដង្កោដែលដឹកនាំបញ្ជាផ្ទាល់ពីសំណាក់លោកវរសេនីយ៍ឯក  ជឹម  សុីថា  អធិការខណ្ឌបានចាប់ឃាត់ខ្លួនជនសង្ស័យចំនួន៤នាក់ពាក់ព័ន្ធនឹងករណីប្រើប្រាស់នឹងជួញដូរថ្នាំញៀន  ដោយប្រតិបត្តិការនេះធ្វើឡើង  កាលពីរសៀលថ្ងៃទី០២ ខែវិច្ឆិកា ឆ្នាំ២០១៩ ត្រង់ចំណុចស្ថានីយ៍ប្រេងឥន្ធនៈតេលា យីហោឫស្សីសាញ់ផ្លូវបេតុង៥០ម៉ែត្រ ស្ថិតនៅភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ ។

សមត្ថកិច្ចបានអោយដឹងថា ជនសង្ស័យចំនួន០៤នាក់ដែលឃាត់ខ្លួនទី    ១/ឈ្មោះ ង៉ាន់ ដែត ភេទប្រុស អាយុ១៨ឆ្នាំ មុខរបរមិនពិតប្រាកដ   ២.ឈ្មោះ ឌិន ចាវ ភេទប្រុស អាយុ២៥ឆ្នាំ  ៣.ឈ្មោះ អ៊ុ សុចិត្រា ភេទប្រុស អាយុ២១ឆ្នាំ មុខបរមិនពិតប្រាកដ   ៤ឈ្មោះ រ៉េត ថារិន ភេទប្រុស អាយុ២៤ឆ្នាំ ហើយអ្នកទាំង៤ស្នាក់នៅផ្ទះជួល  ភូមិតាឡី សង្កាត់ដង្កោខណ្ឌដង្កោ រាជធានីភ្នំពេញ ។

សមត្ថកិច្ចបន្តថា ក្រោយទទួលបានសេចក្តីរាយការណ៍ពីប្រជាពលរដ្ឋភ្លាមៗលោកអធិការខណ្ឌបានដឹកនាំកម្លាំងចម្រុះ ធ្វើការស្រាវ ជ្រាវបង្ក្រាបមុខសញ្ញាជួញដូរដោយខុសច្បាប់នូវសារធាតុញៀន ត្រង់ចំណុចស្ថានីយ៍ប្រេងឥន្ធន:តេលា យីហោឫស្សីសាញ់ផ្លូវបេតុង៥០ម៉ែត្រ ស្ថិតនៅភូមិប្រការ សង្កាត់ព្រៃស ខណ្ឌដង្កោ រាជធានីភ្នំពេញ ។ ពេលនោះសមត្ថកិច្ចបានឃាត់ខ្លួនជនសង្ស័យ០៤នាក់នឹងម៉ូតូ៣គ្រឿង  រួមជាមួយសម្ភារៈប្រើប្រាស់គ្រឿងញៀន  នឹងថ្នាំញៀនមួយចំនួន  យកមកធ្វើការសាកសួរនៅអធិការដ្ឋាននគរបាលខណ្ឌដង្កោតាមនីតិវិធីច្បាប់ ៕