ភ្នំពេញ៖ ករណីគ្រោះចរាចរណ៍២ករណីក្នុងពេលតែមួយនៅចំណុចកើតហេតុតែមួយដោយសារតែអ្នកបើកបរខ្វះការប្រុងប្រយ័ត្ន តែសំណាងល្អមិនបណ្ដាលឲ្យមានអ្នកណារងរបួស ហេតុការណ៍គ្រោះថ្នាក់ចរាចរណ៍នេះកើតឡើងកាលពីវេលាម៉ោង ១១និង ១៥នាទីព្រឹកថ្ងៃទី៥ខែកក្កដាឆ្នាំ ២០២១  នៅត្រង់ចំណុចស្តុបបាគូនៅតាមបណ្ដោយផ្លូវ ២៧១កែងនឹងផ្លូវ៥០ ម៉ែត្រស្ថិតនៅក្នុងភូមិបាគូ  សង្កាត់ដង្កោ  ខណ្ឌដង្កោ។

បើតាមប្រភពព័ត៌មានពីសមត្ថកិច្ចបានប្រាប់ឲ្យដឹងថា នៅមុនពេលកើតហេតុគេឃើញបុរសម្នាក់រួមដំណើរក្រុមគ្រួសារបើករថយន្តម៉ាកកាមរីបាឡែនពណ៌សពាក់ស្លាកលេខភ្នំពេញ   2AE-6758  ធ្វើដំណើរតាមផ្លូវ ២១៧  ក្នុងទិសដៅពីជើងទៅត្បូងមកដល់ចំណុចកើតហេតុអ្នកបើកបររថយន្តបានបើកបង្អង់តិចៗ ស្របពេលនោះក៏មានបុរសម្នាក់បើកម៉ូតូសណ្ដោងរ៉ឺម៉កដឹកអំពៅមកពីក្រោយក្នុងល្បឿនលឿនជ្រុលទៅបុកគូទរថយន្ត បណ្ដាល​ឱ្យបែកស្តុបខាងក្រោយផ្នែកខាងឆ្វេង   ពេលនោះដែរសមត្ថកិច្ចបានយករថយន្ដនិងម៉ូតូសណ្ដោង​រ៉ឺម៉កមកដាក់ខាង។

ស្រប ពេលនោះដែរស្រាប់តែមានក្រុមគ្រួសារមួយទៀតបានបើករថយន្តLEXUS  RX300  ធ្វេីដំណើររតាមបណ្ដោយផ្លូវ ៥០ម៉ែត្រក្នុងទិសដៅពីកើតទៅលិចស្របពេលនោះក៏មានរថយន្តបែនដឹកដីធុនធំបើកមកបត់ស្ដាប់មិនប្រយ័ត្នបណ្ដាលឲ្យប៉ះគូទរថយន្ត LEXUS  RX300  កំពិតចំហៀងខាងឆ្វេង សមត្ថកិច្ចប៉ុស្តិ៍នគរបាលរដ្ឋបាលដង្កោក៏បានយករថយន្តទាំង២ គ្រឿងនោះយកមកដាក់អែបខាងដើម្បីបញ្ជៀសការកកស្ទះចរាចរណ៍នៅលើផ្លូវ

ក្រោយពេលកើតហេតុដោយមានការសម្របសម្រួលពីសមត្ថកិច្ចប៉ុស្តិ៍នគរបាលរដ្ឋបាលដង្កោរថយន្តបែនដឹកដីក៏ព្រមសងថ្លៃសំណងទៅរថយន្ត LEXUs  RX300  ដើម្បីបញ្ចប់រឿង។ ចំណែកម៉ូតូសណ្ដោងរ៉ឺម៉កដឹកអំពៅក៏ព្រមសងថ្លៃការខូចខាតទៅអោយរថយន្តកាមរីបាឡែនដើម្បីបញ្ចប់ឬនៅកន្លែងកើតហេតុ។